LAPAZ,ILOILO CITY— Dakop sa ginpatigayon nga drug buy bust operation sang Regional Drug Enforcement Unit ang duha ka mga lalaki sa The Q drive-in hotel sa Burgos St. La Paz, Iloilo City.
Ang duha ka lalaki gin kilala sanday Jaypee Fernando, 31 anyos kag Billy Boy Castor, 24 anyos lunsay residente sang Brgy. Baldoza, La Paz Iloilo City.
Narekober sa ila nga posisyon ang 23 ka mga suspected shabu lakip na ang tatlo ka mga bulto sang shabu, P9,000 nga buy bust money kag iban pa nga mga drug paraphernalia kaangay sang tooter, kilohan kag lighter nga ila ginagamit sa pagrepack kag pagbaligya sang ilegal nga droga.
Sa interview sang Bombo Radyo sa team leader sang Regional Drug Enforcement Unit, iya ginpahayag nga duha na ka bulan nila nga gina monitor si Fernando nga subject sang nasambit nga buy bust.
Suno sa iya mga estudyante ang ginapasuni regular costumers ni Fernando.
Dugang pa sang natungdan, sa nasambit nga drive in hotel nila masami nga gina patigayon ang pagbaligya sang ilegal nga droga.
Wala naman nanginwala si Fernando kag iya gin ako nga iya mga drug paraphernalia nga na rekober
