ILOILO – Arestado ang duha ka lalaki sa Brgy. Lawis, Balasan, Iloilo bangud sa paghupot sang iligal nga mga armas-luthang.
Ang mga suspek amo sanday Vicente Castañeda, 59, kag Benjamin Icaca, lunsay residente sang nasambit nga barangay.
Nakuha sa possession ni Castañeda ang:
– isa ka 9mm nga may isa ka magazine nga may 11 ka bala;
– isa ka homemade 12 guage shotgun pistol type nga may mga bala; kag
– hand grenade
Samtang, nakuha naman sa possession ni Icaca ang:
– isa ka colt automatic caliber .45
– isa ka magazine sang caliber .45
– isa ka brown holster
– isa ka caliber M16 kag isa ka chamber loaded live ammunitions
– isa ka magazine sang caliber 5.56 nga may 18 ka bala
– kag isa ka hand grenade
Sa interview sang Bombo Radyo kay Police Captain Samuel Vipinosa sang Intelligence Division, 2nd Iloilo Provincial Mobile Force Company, iya ginpahayag nga madugay na sila nakabaton sang report nga nagapalupok sang armas-luthang ang duha kun yara sa idalom sang impluwensya sang makahulubog nga ilimnon.
Preso ang duha sa Balasan Municipal Police Station.
