ILOILO CITY- May ginauyatan na ang Mandurriao Police Station nga pangalan sang duha ka mga lalaki nga suspek sa pagpatay sa lalaki nga nasapwan sa bunkhouse sa ginapatindog nga balay sa Anaros Village, Barangay Calajunan,Mandurriao, Iloilo City.
Ang biktima amo si Peter Galea, 36, residente sang Calumpang, Molo Iloilo City apang temporaryo nga nagaistar sa nasambit nga lugar.
Sa interview sang Bombo Radyo kay PMaj. Jonathan Penuela,hepe sang Mandurriao Police Station, indi pa nila masapubliko ang identity sang mga suspek agud indi makompromiso ang hot pursuit operation.
Sa paglantaw sa bangkay sang biktima, nakit-an ang duha ka stabwounds sa iya dughan kag may yara man sa ulo apang wala sang kutsilyo nga narecover sa lugar nga posible gin-gamit sa pagpatay sa biktima.
Ginpahayag naman sang hepe nga ginapadalman pa ang pagtumod sa motibo sa krimen.
Nagpanawagan naman ini sa mga suspek nga magsungka sa otoridad.
