CABATUAN, ILOILO – Apat ang pilason matapos nagbungguanay ang duha ka motorsiklo sa Barangay Gines Patag, Cabatuan, Iloilo.
Ang isa ka motorsiklo ang ginamaneho ni Jessie Caro, 30, construction worker, residente sang Barangay Damuong, Janiuay.
Angkas ni Caro sa iya motorsiklo ang iya anak nga si Althea, 12 anyos.
Ang isa pa ka motorsiklo ang ginamaneho ni Robert Niebla, 22,residente sang Cabatuan, kag backrider si Dindo Mota, 36.
Sa interview sang Bombo Radyo kay Police Master Sergeant Veto Bastiero, Jr., chief investigator sang Cabatuan Municipal Police Station, iya ginpahayag nga indi pa subong matumod kun kay sin-o motorsiklo ang una nga nagbunggo.
Ginapahayag nga may naangkon nga pilas sa ulo kag paa si Caro, samtang pilas sa ulo ang naangkon sang iya anak.
Fracture naman sa wala nga paa kag pilas sa ulo ang naangkon ni Niebla samtang may pilas sa nawong si Mota.
Padayon naman ang imbestigasyon sang mga pulis sa insidente.
