ILOILO CITY – Nagsaka sa 123 ang kabug-usan nga kaso sang Coronavirus Disease 2019 (COVID-19) sa Western Visayas matapos nga duha ang nagdugang sa listahan sang kumpirmado nga kaso samtang nagsaka naman sa 11 ang patay matapos nga isa ang nagdugang sa casualty.
Suno kay Dr. Jessie Glen Alonsabe, pinuno sang Regional Epidemiology and Surveillance Unit kag COVID-19 spokesperson sang Department of Health 6, as of June 6, duha sa 553 ka specimen ang positibo sa COVID-19.
Ang mga nagdugang nga pasyente amo ang mga masunod:
Ang patient no. 122 amo ang 37 anyos nga lalaki sang Bacolod City samtang ang patient no. 123 naman amo ang 25 anyos nga lalaki sang Balasan, Iloilo.
Ang duha ka pasyente ang lunsay repatriated Overseas Filipino Workers kag naka facility quarantine.
Ang isa naman nga ginbawi-an sang kabuhi amo ang Patient no. 115 nga amo ang 39 anyos nga lalaki sang Anilao, Iloilo nga una na nga na diagnose nga may mild symptoms sang COVID-19 apang ginapahayag nga cardiac arrest ang ginkamatay sang biktima.
Sa subong, nagapabilin sa gihapon sa 88 ang naka recover.
Naglab-ot sa 6 ang COVID-19 cases sa Aklan, 14 sa Antique, 6 sa Capiz, 21 sa Iloilo Province, 3 sa Negros Occidental, 10 sa Bacolod City, 11 sa Iloilo City kag 44 sa repatriates.
