LEON, ILOILO – Duha ang patay kag 16 ang pilason matapos natumba ang de pampasahero nga jeep sa Barangay Cagay, Leon, Iloilo.
Suno kay Police Captain John Predic Padilla, hepe sang Leon Police Station, napatay ang makina sang jeep samtang pataklad sa nasambit nga lugar.
Suno kay Padilla, napatay ang makina sang jeep samtang nagapataklad sa alagyan.
Matapos sini, nagdalusdos padalom ang jeep, nahulog sa banglid kag nagbulid-bulid sang makaduha ka beses.
30 naman ka mga pasahero ang sakay sang jeep sa diin lunsay ang mga ini estudyante.
Gilayon naman nga gindala sa ospital ang mga pasahero nga pilason.
