SINGAPORE – Duha ang nagdugang sa death toll bangud sa Coronavirus Disease 2019 (COVID-19) sa Singapore.
Sa interview sang Bombo Radyo kay Roberto Catipunan Jr., iya ginpahayag nga ang duha ka pasyente ang napatay subong nga adlaw.
Suno kay Catipunan, ang isa ka pasyente amo ang Sinagporean nga naga-edad sang 75 anyos samtang ang isa naman amo ang Indonesian nga naga-edad sang 64 anyos.
Ginpahayag ni Catipunan nga ang isa sa mga napatay ang nakitaan na nga daan sang balati-an antes nakumpirma nga may COVID-19.
Sa subong, naglab-ot na sa 355 ang kabug-usan nga kaso sang nasambit nga virus sa Singapore kun sa diin hugot ang ginapatuman nga social distancing kag ginkansela naman ang pagpatigayon sang mass gatherings.
Sa pihak sini, nagapabilin nga bukas ang mga commercial establishment kag nagapadayon ang byahe sang Public Transport System.
