ILOILO CITY – Duha ka mga private company ang nagpabutyag nga mag-invest agud nga mapaayo ang transportasyon sa syudad sang Iloilo.
Sa interview sang Bombo Radyo kay Iloilo City Councilor Ely Estante, vice chairman sang Committee on Transportation, iya ginpahayag nga ang Grab kag ang Transit X ang nagpabutyag nga mag-invest sa syudad sang Iloilo nga ginakabig nga highly urbanized city.
Suno kay Estante, magatambong sa patigayunon nga committee hearing 1:00 buwas sa hapon ang mga tiglawas sang nasambit nga mga kompaniya.
Ginpahayag ni Estante nga ang Transit X nga nabase sa Estados Unidos ang nagpabutyag nga magpahamtang sang cable car agud nga mapahagan-hagan ang pagpugok sang trapiko sa diin santo sa proposal, ang cable car ang may yara sang capacity nga 5 ka pasahero kag ang disensyo ang kasubong sang isa ka awto.
Sa pagkamatuod suno kay Estante, ini ang labing una nga kahigayunan nga maga-invest ang nasambit nga kompaniya sa Pilipinas.
Paga-istoryahan naman sa committee hearing suno kay Estante kun diin maga-agi ang cable car kag kun san-o maga-umpisa ang proyekto.
Samtang, ang Grab naman suno sa natungdan ang indi na bag-o sa pungsod apang ini ang labing una nga kahigayunan nga mag-invest sila sa syudad sang Iloilo.
