2 ka punong barangay, 7 ka empleyado sang Iloilo City Hall nga naglapas sa quarantine protocol, napasakaan na sang kaso

ILOILO CITY – Napasakaan na sang kaso ang 11 ka mga persona nga nadakpan nga naga-inom sang makahulubog nga ilimnon kag nagalapas sa quarantine protocols sa syudad sang Iloilo sa sulod sang Iloilo Terminal Market.

Sa exclusive interview sang Bombo Radyo kay Police Major Francisco Paguia, hepe sang Police Station No. 1, iya ginpahayag nga ang mga nadakpan ang ginalakipan sang duha ka mga punong barangay, walo ka mga empleyado sang Iloilo City Hall, kag isa ka tag-iya sang kapehan nga amo ang ginhimo nga temporaryo nga ilimnan.

Ang mga punong barangay amo sanday:

1. Woody Dela Riatte sang Kauswagan, Iloilo City Proper; kag,
2. Allan Ray Depatillo sang Rizal Pala-Pala 1, Iloilo City Proper.

Ang mga empleyado naman sang Iloilo City Hall amo sanday:

1. Jose Alexis Rojo — assigned sa General Services Office kag residente sang Brgy. Sooc, Arevalo, Iloilo City;
2. Noel Capalla — assigned sa Local Economic Enterprise Office kag residente sang Brgy. Cochero, Molo, Iloilo City;
3. Rigor Porras — assigned sa Local Economic Enterprise Office kag residente sang Brgy. Rizal Estanzuela, Iloilo City Proper;
4. Roel Villarimo — assigned sa General Services Office kag residente sang Rizal Estanzuela, Iloilo City Proper;
5. Melchor Manuel Blancaflor — assigned sa General Services Office kag residente sang Tacas, Jaro, Iloilo City;
6. Ricardo Seguttier — assigned sa General Services Office kag residente sang Brgy. Lopez Jaena, Molo, Iloilo City; kag,
7. Martie Mattias — assigned sa General Services Office kag residente sang Fuentes Street, Iloilo City Proper.

Lakip man sa ginkasuhan amo si Marti Bergantinos.

Mangin ang tag-iya sang Apad Kiosk nga si Ma. Paz Domingo ang napasakaan man sang kaso.

Suno kay Paguia, ang mga natungdan ang nagapangatubang sang kaso nga paglapas sa Article 151 sang Revised Penal Code bangud sa Resistance kag Disobedience to a Person in Authority or the Agents of Such Person.

Ini ang kaangot sa ginapatuman nga liquor ban sa syudad sang Iloilo santo sa executive order no. 75 nga ginpirmahan ni Iloilo City Mayor Jerry Treñas.