ILOILO CITY – Ginsunog sang mga katapo sang New People’s Army (NPA) ang duha ka delivery truck ni Sangguniang Bayad (SB) member Ramon Nismal sang Miag-ao, Iloilo.
Sa interview sang Bombo Radyo kay C/Insp. Norlan Perante, hepe sang Miag-ao Municipal Police Station, ginpahayag sini nga santu sa ila imbestigasyon, naghalin ang delivery truck sa Barangay Agdum sa diin nag-deliver ini sang balas.
Ginbangga-an sang anom ka mga ginapahayag rebelde ang truck pag-agi sa Barangay Wayang.
Nagpalagyo ang mga pahinante sang truck nga ginsunog sang mga rebelde matapos ginbubu-an sang gasolina.
Ang mga rebelde ang may kahimuan sa insidente santu man sa pagkabati sang mga sakay sang truck sa mga suspek nga nagasinggit nga “Tumagtang” nga kilala nga grupo sang NPA sa Panay.
Nahibaluan suno kay Perante nga masami ginakilkilan sang mga rebelde si SB Member Nismal apang nagapakatig-a nga magbayad sang revolutionary tax.