Ginlunsyar na ang dugang nga duha ka mga Malasakit Centers sa Iloilo kahapon nga adlaw.
Ini ang sa bahin sang West Visayas State University Medical Center sa Jaro, Iloilo City kag Western Visayas Sanitarium sa Sta. Barbara, Iloilo.
Sa interview sang Bombo Radyo kay Ryan Avelino, Assistant Branch Manager sang Philippine Charity Sweepstakes Office (PCSO) , iya ginpahayag nga sa subong, may yara na sang apat ka mga Malasakit Center sa Iloilo kag ang duha diri amo ang sa Western Visayas Medical Center sa Mandurriao, Iloilo City kag sa Don Jose S. Monfort Medical Center Extension Hospital sa Barotac Nuevo, Iloilo.
Ang Malasakit Center ang isa ka One-Stop Shop sa diin ang mga indigent patients ang mahimo gid maka-access sang financial medical assistance sa mga ahensya kaangay sang PhilHealth, PCSO kag sang Department of Social Welfare and Development.
