Natalana na nga magpauli ang duha ka mga Filipino survivors gikan sa naglugdang nga Gulf Livestock 1 sa Japan.
Ini mismo ang ginkumpirma sang Department of Foreign Affairs.
Una nga na rescue amo ang chief officer sang barko nga si Eduardo Sareno samtang ang isa naman nga survivor amo si Jay-Nel Rosales nga naga-trabaho bilang deck crew kag lunsay mga tumandok sang Cebu.
Nahibaluan nga Setyembre 2 sang naglugdang ang cargo ship bangud sa Typhoon Maysak samtang yara ini sa East China Sea.
Magluwas sa duha ka mga Pilipino, may isa pa ka crew member nga Pinoy ang nakit-an apang ini ang ginbawian sang kabuhi.
Tubtob subong, wala sa gihapon makita ang 36 ka mga Filipino, duha ka Australian kag duha ka New Zealanders nga mga crew members sang barko.
