ILOILO CITY – Duha ka repatriated Overseas Filipino Workers ang nagdugang sa listahan sang kumpirmado nga kaso sang Coronavirus Disease 2019 (COVID-19) sa Western Visayas.
Bangud sini, naglab-ot na sa 127 ang kabug-usan nga kaso samtang nagapabilin sa 88 ang naka recover kag 11 ang patay.
Suno kay Dr. Marie Jocelyn Te, Medical Coordinator sang Emerging and Re-emerging Infectious Diseases Region 6, sa 583 ka laboratory results nga ginpaguwa as of June 9, 581 ang negatibo kag duha ang positibo sa COVID-19.
Ang Patient no. 126 amo ang 48 anyos nga lalaki sang Kalibo, Aklan kag naka home quarantine samtang ang Patient No. 127 amo ang 31 anyos nga lalaki sang Cadiz City, Negros Occidental nga naka facility quarantine.
Sa subong, ang Aklan ang may 6 ka COVID-19 cases, 14 sa Antique, 6 sa Capiz, 21 sa Iloilo Province, 3 sa Negros Occidental,10 sa Bacolod City, 19 sa Iloilo City kag 48 sa repatriates.
