Duha ang patay kag isa ang pilason matapos gin-arado sang isa ka dump truck ang duha ka mga balay sa Barangay Cuevas sa Trento, Agusan del Sur.
Ang napatay amo ang driver sang truck kag isa niya ka pahinante nga lunsay residente sang Santa Josefa, Agusan del Norte.
Pilason naman ang tag-iya sang isa sa duha ka mga balay.
Ginpahayag nga madasig ang dalagan sang dump truck nga may karga nga mga balas kag nadulaan sang kontrol ang driver sang nagbisyo ang preno.
Padayon pa ang imbestigasyon sang otoridad sa natabo.
