ILOILO CITY – Patay ang duha ka tawo samtang walo pa ang nagapabilin sa ospital bangud sa leptospirosis matapos ang mga ini naggarab sang humay sa Barangay Batuan Ilawod, Oton, Iloilo.
Ang napatay nga mga biktima ang ginkilala nga sanday Francis Tuvilla sang Tigbauan, Iloilo kag Sonny Alcala sang Oton, Iloilo.
Ginpahayag sa Bombo Radyo sang biktima nga si Pedro Tuvilla Jr., mahigko ang tubig sa talamnan kun sa diin sila nag-garab.
May mga patay pa nga ilaga sa talamnan suno kay Tuvilla samtang sa babaw sang talamnan may piggery nga ang higko ginapatihan nga rason sang mahigko nga tubig sa talamnan.