Duha ang patay sa natabo nga shootout sa Novaliches, Quezon City.
Ang mga biktima amo sanday Jonari Dangalan, 29, delivery rider kag residente sang Brgy. Gulod, Novaliches, kag Eries John Genovatin, 24, 2nd year criminology student, kag residente sang Caloocan City.
Base sa imbestigasyon, sakay si Dangalan sa motorsiklo sang ginlagas sang mga suspek nga nagaangkasanay sa motorsiklo.
Ila ginpalukpan si Dangalan kag natabuan nga may mga pulis kag ginlagas ang mga suspek.
Nagpalupok sa mga pulis ang mga suspek gani nagbalos man ang otoridad.
Matapos ang engkwentro, nakit-an si Genovatin nga duguon samtang madamo man sang igo si Dangalan.
Gindala pa sa ospital ang mga biktima apang ginbawian gid sang kabuhi.
11 ka igo sang bala ang naangkon ni Dangalan samtang naigo naman sang bala sa hita si Genovatin.
Nagapadayon pa ang imbestigasyon sa insidente.
