PASSI CITY – Patay ang duha ka babaye matapos nabungguan sang van sa Barangay Sarapan, Passi City.
Sa interview sang Bombo Radyo kay Fire Officer 1 Riza Mae Farinas
sang Passi City Fire Station, iya ginpahayag nga nagabantay sang salakyan ang duha ka mga biktima sang ginbungguan sang van.
Ang mga biktima ang residente sang Barangay Bitaogan, Passi City.
Ang driver naman sang van ang tumandok sang Roxas City, Capiz.
Suno kay Farinas, naghalin ang van sa Passi City kag padulong kuntani sa Roxas City sang matabo ang insidente.
Wala naman sang sakay ang van sang amo nga tion.
Napiyungan ang driver rason nga nadulaan ini sang kontrol sa manebela.
Nag-angkon naman sang patal nga pilas sa ulo ang duha ka mga babaye nga amo ang gintunaan sang ila kamatayon.
Gindala pa ang mga ini sa ospital, apang gindeklarar sang doktor nga dead on arrival.
Pilason man ang driver kasunod sang insidente.
