ILOILO CITY- Patay ang driver kag backrider sang motorsiklo matapos nga nagbunggo ini sa isa ka truck sa Sitio Kalawidan, Brgy. Igcocolo, Guimbal, Iloilo.
Ang mga biktima amo ang driver nga si Anthony Alexander ,18 , Grade -12 student, residente sang Nahapay, Guimbal, Iloilo kag angkas nga si Kyle Dela Piedra, 18, senior high school student, residente sang Tagpuan, Tubungan, Iloilo.
Ang driver naman sang truck amo si Rogelio Garganza Jr., 51, residente sang Brgy. Igcocolo, Guimbal, Iloilo.
Sa interview sang Bombo Radyo kay PLt. Nelson Caro, hepe sang Guimbal Municipal Police Station, iya ginpahayag nga hana kuntani nga mag u-turn ang truck apang hinali lang nga nag-overtake ang nagasunod nga motorsiklo kag nagbunggo gid sa truck.
Suno kay Caro,bangod sa impact sang pagkabunggo, nagtabog pa ang mga biktima kag naglampos gid sa gutter rason sang ila naangkon nga mga head injuries nga gintunaan sang kamatayon sang ila kamatayon.
Yara naman sa kostudiya sang Guimbal PNP ang driver sang truck.
