Patay ang duha ka tawo matapos ang gas explosion sa sulod sang isa ka fast food restaurant sa Abu Dhabi.
Isa sa mga biktima ang malapit sa explosion site sa Rashid Bin Saeed Street samtang ang isa pa ang nagatabok lang sa dalan sang na-igo ini sang debris.
Suno sa police, may pila man ka mga indibidwal nga gindala sa ospital bangud sa minor nga mga kapilasan nga naangkon.
Duha ka mga fast food restaurants kag iban nga baligyaan sa ground floor sang building ang tuman nga nahalitan.
