ILOILO CITY – Duha ang patay matapos ginapahayag nagbato sa mga pulis sa buy bust operation sa Barangay Poblacion Ilaya, Zarraga, Iloilo.
Sa interview sang Bombo Radyo kay Police Senior Inspector Robert Jayson Pancha, pinuno sang Provincial Drug Enforcement Unit, ang mga napatay amo sanday Charles Lubao kag Billy Quanico, lunsay legal ang edad kag tumandok sang Roxas City, Capiz.
Subject sang buybust operation amo si Lubao nga ginapahayag nagtuyo nga magbato sa mga pulis.
Nakuha sa crime scene ang duag pink nga bag nga naga-unod sang personal nga gamit, cellphone, isa ka improvised nga pistol nga may bala sang M16, M61 nga granada kag 22 ka sachet sang shabu.