Patay ang duha ka indibidwal matapos ang nagluntad nga pagsinagabong sang factory sang palupok sa Barangay Partida, Norzagaray, Bulacan.
Isa sa mga napatay ang worker sa nasambit nga factory sang palupok samtang ang isa ang residente malapit sa lugar nga nakaangkon sang lala nga samad sa lawas.
Natabo ang insidente kahapon, Oktubre 22.
Nagpatigayon na sang imbestigasyon ang mga otoridad kun ano ang kabangdanan sang nasambit nga paglupok.
Gina-ihibalo man sang Bureau of Fire Protection (BFP) kag Philippine National Police (PNP) kun may yara sang permit ang amo nga factory.
Padayon man nga ginapangita sang mga otoridad ang tag-iya sang factory nga gulpiyada nadula matapos ang insidente.
