Patay ang duha ka mga tawo matapos nagtibusok ang gamay nga eroplano sa isa ka masako nga dalan sa São Paulo sa southern Brazil.
Natabo ang insidente pasado alas syete sa aga local time sa highway sa coastal district sang Barra Funda.
Nasunog ang lawas sang duha ka pasahero sa eroplano suno sa military police.
Sang nag-crash ang eroplano, nadalahig man ang yara sa highway rason nga may anum nga napilasan lakip ang isa ka motorista kag isa ka babaye sa bus nga natup-an sang naglupad nga debris.
Nagbukas na ang otoridad sang imbestigasyon kun ano ang ginhalinan sang insidente.
Ini nga small twin-engine King Air plane ang naghalin sa Campo de Marte Airport sang Biyernes sang aga kag natalana nga magkadto kuntani sa Porto Alegre sa southern state sang Rio Grande do Sul. Ginpahayag nga nadulaan ang control tower sang contact sa aircraft minutes minutos antes natabo ang pag-crash sini.
