Handom subong sang duha ka Filipino mountaineers nga sanday Elaine Jhon “Jeno” Panganiban kag Miguel Mapalad nga malab-ot ang putok-putokan sang pinakamataas nga bukid sa kalibutan,ang Mount Everest.
Natalana ang ila pagsaka sa Abril kun sa diin 18 ka tuig na ang nagligad humalin sang una nga nalab-ot ini sang isa ka Pinoy.
Ini nga kampanya ang pangunahan sang ila grupo,ang Philippine 14 Peaks Expedition Team.
Matapos masaka ang 8,163-meter Mt. Manaslu sa Nepal sang Oktubre, nagalaum ang team nga masaka ang kataason nga 8,849-meter nga Mount Everest.
Nagpabutyag ang mga ini nga magluwas nga gusto nila malab-ot ang pinakamataas nga parte sang bukid, luyag man nila maeksperyensyahan ang thrill sang pagbyahe kag ma-enjoy ang katahum sini.
Para sa 29-anyos nga si Panganiban, ang iya hilig sa mountain climbing ang nagsugod sang iya ang yara sa kolehiyo matapos nag-intra sa iya mga abyan para sa hiking trip.
Ang 42-anyos naman nga si Mapalad ang nagsugod sang iya mountain climbing journey sang 1999 sang nagtaklad ini sa Mt. Cristobal sa Quezon para sa bible study outing trip sa ila simbahan.
