Ginkakas na sa puwesto ang duha ka pulis nga nag-viral sa pagpangwarta sang P3,000 sa isa ka person with disability (PWD) nga delivery rider sang Food Panda sa Quezon City.
Ang duha ka pulis ang assigned sa Drug Enforcement Unit sang Talipapa Police Station 3 sang QCPD.
Suno kay (QCPD Acting Director, P/Col. Randy Glenn Silvio, ginkasuhan man sang robbery extortion ang duha.
Sa viral video, ginsiling sang delivery rider sang Food Panda nga si Piolo Alonzo ng samtang padulong ini sa merkado para magbakal sang bulong, hinali siya nga ginbanggaan sang mga pulis kag ginpahayag nga may check point sila.
Matapos gin-park ni Piolo ang iya motor,ginsiling niya nga gindala siya sang isa ka pulis sa madulom nga lugar kag ginrekisa kag ginapangitaaan sang shabu.
Sang ginsiling sang biktima nga wala siya sang ginatago nga shabu, gin-ukay sang mga pulis ang bag sini kag ginkuha ang P3,000 nga kita niya sa delivery.
Sa subong, base sa pahayag sang QCPD, gin-refer na ang duha ka pulis sa Prosecutors Office kag gin-reassign sa District Personnel Holding and Accounting Section (DPHAS) samtang padayon ang imbestigasyon.
