Ginbawian gid sang kabuhi ang duha ka senior high school students matapos nga nagbunggo ang ila ginasakyan nga kotse sa isa ka truck sa Maharlika Highway,Tayabas City, Quezon.
Ang mga biktima amo sanday Rayver, 18, kag Ralph, 17, pareho nga residente sang Barangay Calumpang, Tayabas City.
Base sa imbestigasyon, nakabunggo ang ila ginasakyan nga kotse sa Tractor head truck nga ginamaneho ni Alain, 58-anyos.
Ginpahayag nga hinali lang nagliko ang truck gani nakabunggo ang kotse.
Bangud sa impact, nabuka gid ang kotse sang mga biktima.
Ginkinahanglan pa magpatigayon sang extrication procedure para makuha ang mga biktima matapos nga nagdasok gid ang ila salakyan.
Napreso na ang driver sang truck kag nagapangatubang sang kaso nga reckless imprudence resulting in double homicide and damage to property.
