Nagpositibo sa COVID-19 ang 20 ka personnel sang Izeem Commercial sa Zone 3, Barangay Magdalo, La Paz, Iloilo City.
Sa exclusive interview sang Bombo Radyo kay Punong Barangay Romeo Car, iya ginpahayag nga wala pa sa gihapon matumod ang gin-ugatan sang paglatnanay sa COVID-19 sang amo nga mga personnel sa ila barangay.
Suno kay Car, ginlockdown na ang nasambit nga establisemento komersyal kag ginaplanuhan pa sang iya pamunuan kun magapatigayon man sila sang lockdown sa bug-os nga barangay.
Dugang pa sang natungdan, padayon pa subong ang contact tracing sa tanan nga nakaupod sang 20 ka personnel nga COVID-19 positive.
