ILOILO CITY- Ang 20 segundos tuman ka dasig lang kag halos wala ikaw siguro sang mahimo sa sulod lang sang sini kalip-ot nga ginutlo sang oras.
Apang tilawi nga hakson ang imo abyan, kahagugma, ukon myembro sang pamilya sa sulod sang 20 segundos bangud dako ang madala sini nga benepisyo.
Suno kay Virginia Satir nga pioneer sa family therapy kag ginakabig nga “mother” sang sini nga specialty, ang paghakos bisan sa sulod lang sang 20 segundos ang makapataas sang levels sang oxytocin ukon ang ginatawag nga love hormone.
Ini nagapanubo man sang blood pressure kag cortisol nga amo ang stress hormone.
Natural, pataason sini ang kalipay nga nabatyagan kag panubuon ang stress.
Kag i-improve man sini ang relationships kag connection sa tunga mo kag sang tawo nga imo ginahakos.
