ILOILO – Mahimo na nga mapasar ang 2019 budget sang probinsya sang Iloilo antes magbulos sa pwesto ang bag-o nga set sang elected officials sa Sanguniang Panlalawigan.
Sa interview sang Bombo Radyo kay Liga ng mga Barangay President Dorothy Paes, chairman sang Committee on Appropriations sa Sanguniang Panlalawigan, iya ginpahayag nga wala nasapar ang pagpasar sang 2019 budget sa nakaligad nga session bangud nga wala pa nakumpleto ang mga dukomento nga kinahanglan sang iya komitiba.
Ginpahayag ni Paes nga kun nahingagaw lang kun tani ang dukomento, napresentar naman ang committee report sang nakaligad nga session.
Sa pihak sini, ginpasigurado ni Paes nga sa masunod nga session, mapresenstar na ang committee report kag matigayon nga mapasar ang 2019 budget bag-o mag-umpisa ang termino sang bag-o nga set sang elected officials.
