Nabaton na sang Malacañang ang kopya sang ginaduso nga P4.506 trillion national budget para sa 2021.
Ini ang i-review pa ni Presidente Rodrigo Duterte kag posible nga maaprubahan na niya antes matapos ang tuig 2020.
Suno sa Office of the Presidential Spokesperson, napasa na sang Kongreso ang budget bill sa Office of the President.
Ang sektor sang edukasyon amo ang nakakuha sang pinakamataas nga pondo nga may P708.2 billion kag ginsundan sang Department of Public Works and Highways nga may P694.8 billion.
Ang Department of Health ang may yara lang sang P287.47 billion lakip na ang P72.5 billion para sa COVID-19 vaccines.
Una na nga ginpahayag sang Malacañang nga posible gamiton ni Duterte ang iya line-item veto power kun kinahanglanon.
Ginpalawig man sang mga mamalidha ang validity sang 2020 General Appropriations Act tubtob sa Disyembre 31, 2021.
Dugang nga proposed legislation ang ginpasar man sang Kongreso nga nagapanawagan nga i-extend ang validity sang pondo sa idalom sang Bayanihan to Recover as One Act tubtob Hunyo 30, 2021.
