Nagrekord sang kasaysayan ni Presidente Rodrigo Duterte matapos nagpangayo sang P5.024 trillion nga budget para sa tuig 2022.
Suno kay Presidential Spokesperson Atty. Harry Roque, ang nasambit nga budget ang ‘largest in history’ sa Pilipinas.
Ginpahayag ni Roque nga ang nasambit nga budget ang gamiton para sa pagbuhi liwat sang ekonomiya matapos naapektuhan sang COVID-19 pandemic, pagtapna sang mas makalalaton nga coronavirus variants, paghatag sang trabaho kag pagpatukod sang dugang nga mga infrastructure.
Ang propose nga 2022 budget ang mas mataas sang 11.5% kun ipaanggid sa 2021 allotment.
Ang social services sector, nga ginalakipan sang COVID-19 vaccine procurement kag universal healthcare, ang makabaton sang pinakadako nga allocation nga may P1.92 trillion kag ginasundan sang P1.47 trillion para sa economic service sector nga ginalakipan sang key infrastructure projects.
Nahibaluan nga ini na ang pinakaulihi nga budget ni Duterte sa diin matapos na ang iya six-year term sa Hunyo 2022.
