Iloilo City – Mangin maayo ang pagbukas sang 2023 para sa mga negosyante kag publiko bangud sa digitalization nga magapahapos sang pangabuhi sang tawo.
Sa interview sang Bombo Radyo kay Mr. Michael Jordan Toledo, Director sang Philippine Chamber of Commerce and Industry – Iloilo, iya ginpahayag nga nagakalangkag ini sa pagbaton sang publiko sang improvements kaangay sang e-commerce, digitalization kag paperless transaction nga magapadasig sang gawi sang tawo.
Suno kay Toledo, indi na siya makahulat pa nga paga-obrahon ini sang publiko para matigayon ang mahapos nga transakyon kun negosyo ang pagaistoryahan, negosyante man kun konsumidor.
Nahibaluan nga narekord sang Pilipinas ang fastest growing digital economy sa major Association of Southeast Asian Nations member-states sang 2021.
