ILOILO CITY – Naglab-ot sa 4,454 ang numero sang Coronavirus Disease 2019 (COVID-19) sa Western Visayas matapos nga 203 ka panibag-o nga kaso ang nagdugang sa listahan.
As of August 30, 209 gikan sa 1,186 ka laboratory results ang nagpositibo apang 203 lang diri ang makabig nga new cases.
Nagsaka man sa 2,269 ang numero sang naka-recover matapos nga 30 ang nagdugang sa listahan samtang nadugangan sang 5 ang numero sang ginbawi-an sang kabuhi kun sa diin naglab-ot na sa 71 ang kabug-usan nga numero.
Sa 203 ka panibag-o nga kaso, 2 ang gikan sa Aklan, 1 sa Antique, 8 sa Capiz, 4 sa Guimaras, 8 sa Iloilo, 53 sa Negros Occidental, 110 sa Bacolod City kag 17 sa Iloilo City.
Naglab-ot naman sa 2,114 ang total active cases sa Rehiyon 6.
Sa pangkabug-usan, ang Aklan ang may 11 ka COVID-19 cases, Antique nga may 28, Capiz nga may 60, Guimaras nga may 45, Iloilo Province nga may 408, Negros Occidental nga may 472, Bacolod City nga may 997, Iloilo City nga may 872, ROFs, LSIs kag APORs nga may 1,561 kag 38 ang nalakip sa Tagged to other regions.
