ILOILO CITY — Nagpa-gwa na sang desisyon ang Branch 65 sang Regional Trial Court (RTC) nga nagamandu sang pagpasarado sang daan nga merkado publiko sang Buenavista Guimaras.
Sa interview sang Bombo Radyo kay Buenavista Mayor Eugene Gallo Reyes, ginpahayag niya nga pormal na nila nga nabaton ang kopya sang desisyon sang korte kaina.
Sa amo nga desisyon ginamanduan na ang mga vendors nga indi na magpadayon pa sa pagbaligya sa daan nga merkado sa Brgy. New Poblacion Buenavista kag ang merkado sang banwa ng didto na sa Brgy. Mclain.
Sa amo man nga desisyon, gintib-ong sang korte ang pagka abugado ni Atty John Edward Gando sang vendor nga si Gabiato tungod man nga ang Provincial Legal Office ang nagatindog nga legal counsel sang munisipyo sang Buenavista kag wala man asng malain kung magtindog diri bilang abugado si Vice Governor Gando.