ILOILO CITY- Naglab-ot sa ginabanta 3.7 million pesos ang balor sang halit nga gintuga sa mga pananom sa natabo nga flash floods sa Miagao, Iloilo.
Sa interview sang Bombo Radyo kay Mayor Macario Napulan, iya ginpahayag nga base sa inisyal nga damage assessment, 205 ektaryas nga pananom sa 32 ka kabarangayan ang nahalitan.
Suno kay Mayor Napulan, tatlo ka mayor nga kasubaan sang banwa ang nag-alawas gid rason nga sa 119 ka kabarangayan sa banwa, 54 gid ang naapektuhan.
May yara man sang irrigation system sang isa ka barangay nga naguba kag ginabanta P1 million ang balor sang damage.
Pito naman kasapatan nga ginalakipan sang lima ka karabaw kag duha ka baka ang nagkalamatay.
Gin-anod naman ang thresher kag 25 sako nga humay nga ginapanag-iyahan ni Punong Barangay Christopher Nargatan sang Barangay Bacolod.
