ILOILO CITY – Nagdangat sa 208 ka mga pamilya ang apektado sang pagtaas sang lebel sang tubig sa Barangay Desamparados, Jaro, Iloilo City bangud sang mabaskog nga ulan.
Ang amo nga numero ang nagikan sa 132 ka mga panimalay.
Sa interview sang Bombo Radyo kay Barangay Secretary Wenalyn Aboniawan, iya ginpahayag nga may tubtob sa dughan sang tawo ang lebel sang tubig sa ila barangay sa sulod sang duha adlaw nga pag-ulan.
Dugang pa niya, mahinay ang pag-subside sang tubig gani, naga-awas sa gilayon ang creek.
Lakip sa mga rason sini amo ang pagnabaw sang creek bangud sa basura kag ang ongoing construction sa likod sang isa ka eskwelahan.
May yara naman sang may ginhanda nga evacuation centers ang barangay para sa mga pumuluyo nga mangin apektado sang baha.
Personal naman nga nagpadulong sa lugar ang City Social Welfare and Development Office agud nga maghatag sang bulig.
