Patay ang 21 ka mga atleta matapos nadulaan sang kontrol ang ginasakyan nila nga bus kag nahulog halin sa taytay sa Kura, Nigeria.
Naghalin ang mga atleta sa National Sports Festival sa Ogun State kag pauli na sang matabo ang aksidente sang Sabado, Mayo 31.
May sakay nga 35 ka pasahero ang bus kag kalabanan ang mga atleta kag opisyal.
Ang National Sports Festival ang nagapanguna nga multi-sport event sa Nigeria kun sa diin naghalin pa sa nanuhay-tuhay nga states ang mga atleta nga nagapasakop diri.
