Arestado ang 21 ka mga myembro sang ‘indigenous people’, 15 ka menor de edad kag anom ka mga tigulang sa sulod sang Talamban campus sa University of San Carlos (USC) sa Cebu City subong nga adlaw, Pebrero 15, matapos ang ginpatigayon nga raid sang Police Regional Office 7 (PRO-7).
Ginapahayag ginrecruit sang duha ka manunudlo kag duha ka mga tigulang ang mga ‘lumad’ members nagikan sa Talaingod, Davao del Norte, nga lunsay menor de edad kag gindala sa Cebu agud magpakigbahin sa mga militante nga aktibidad.
Suno sa lider sang grupo nga ginpahayag mga myembro sang Communist Terrorist Group, nagkadto sila sa Cebu antes ang ginpatuman nga mga lockdown agud makaeskwela ang amo nga mga kabataan nga nagikan sa Davao.
Apang ginpahayag naman sang ginikanan sang mga menor de edad nga wala sila nakahatag sang pahanugot sa ila kabataan nga magkadto sa Cebu rason nga nagpangayo sila sang bulig sa mga otoridad.
Naabtan nalang sang katapo sang mga pulis ang grupo sa isa ka retreat house sa sulod sang nasambit nga unibersidad sa diin sila nag-istar pinaagi sa ginapahayag bulig sang relihiyoso nga organisasyon.
Gin-athag naman ni Police Brig. Gen. Brandi Usana, spokesperson sang PNP, nga ang 21 ka Lumad ang sa pagkamatuod ila ginrescue sa kamot sang pila ka mga arestado nga suspek.
Ginpahayag ni Usana nga ang ila nangin operasyon ang nangin dako nga balabag sa pagpagtunto kag balingag nga kahiwatan sang mga myembro sang Communist Terrorist Group nga nagapangrecruit sang mga menor de edad agud himuon nga future armed combatants.
Duha na ka tuig suno sa iya nga missing ang mga kabataan nga ila ginrescue sa USC Retreat House.
Apang sa pihak sini, ginpakamalaot naman ni Renato Reyes, secretary-general sang Bagong Alyansang Makabayan, ang nasambit nga operasyon sang Police Regional Office 7 kaupod ang mga opisyal sang Department of Social Welfare and Development (DSWD).
Suno kay Reyes, wala ginrespeto sang mga pulis ang University of San Carlos bilang academic institution sa diin nagsinggitan ang mga lumad nga kabataan sang ginpatigayon ang raid kag pagpang-aresto.
