ILOILO CITY – Na record sang Department of Health Region 6 ang mas madamo nga numero sang mga pasyente nga nag-ayo sa Coronavirus Disease 2019 (COVID-19) sa Western Visayas.
As of September 21 nga case bulletin sang ahensya, naglab-ot sa 234 ang naka-recover gikan sa COVID-19 samtang 210 naman ang na record nga new cases kag may duha ka nagdugang nga casualty.
Naglab-ot na sa 5,657 ang total recoveries, 9,577 ang total cases kun sa diin 3,766 ang active cases samtang 154 ang deaths sa bug-os nga Rehiyon.
Sa 2,021 ka laboratory results nga ginpaguwa, 210 ang new cases, 5 ang nagpositibo sa repeat test kag 1,806 ang negatibo.
Sa 210 ka panibag-o nga kaso, 15 ang halin sa Aklan, 2 sa Antique, 9 sa Capiz, 3 sa Guimaras, 34 sa Iloilo, 34 man sa Negros Occidental, 64 sa Bacolod City kag 49 sa Iloilo City.
Sa subong, ang Aklan ang may 68 ka COVID-19 cases, Antique nga may 36, Capiz nga may 258, Guimaras nga may 62, Iloilo Province nga may 718, Negros Occidental nga may 1,670, Bacolod City nga may 3,079, Iloilo City nga may 1,847, ROFs, LSIs kag APORs nga may 1,839 kag 38 ang nalakip sa Tagged to other regions.
