ILOILO CITY — Nag-atubang sa National Police Commission (NAPOLCOM) Region 6 ang pulis nga ginreklamo sang pagpanakit sang isa ka tanod sa Brgy. Cananghan Maasin Iloilo.
Ginpahayag ni Pre-charge investigator kag NAPOLCOM 6 spokesperson Allen Camering, kaupod ni PO3 Alvin dela Cruz nga nag-atubang sa NAPOLCOM ang bug-os nga Barangay Offiicials sang Cananghan, Maasin nga nagpahayag sang suporta sa iya.
Suno kay Camering, ginpanginwala sang mga opisyal sang barangay ang ginaalegar ni Jonathan Sulit nga pagpanakit sa iya ni PO3 Dela Cruz kag gintum-ok pa ang nagareklamo.
Ginpahayag sini suno sa pahayag sang mga barangay Officials nga may pagka-dungol kag pagka-maoy ang tagreklamo ilabi na kun makainom.
Tan-awon naman sang NAPOLCOM kung may probable cause ang reklamo batok kay PO3 dela Cruz kag ginpasiguro nga mangin patas sa ila rekomendasyon.