ILOILO CITY – Dakop ang 22 anyos nga barker sa drug buy bust operation sa Barangay Airport, Mandurriao, Iloilo City.
Ang subject amo si Louie John Billones, taga Project 6 Sooc, Arevalo, Iloilo City.
Sa interview sang Bombo Radyo kay Billones, iya ginpahayag nga sa Mandurriao siya nagakuha sang iligal nga droga apang wala man niya gintumod ang partikular nga lugar.
Suno kay Billones, ginpabaligya lang sa iya ang amo nga mga iligal nga droga.
Samtang pahayag naman sang team leader sang City Drug Enforcement Unit, magluwas sa pagbaligya sang droga, naga side line man si Billones sa pagpangawat.
Nakuha sa subject ang lima ka sachet sang ginapatihan shabu kag P500 nga buybust money.
