Patay ang 22-anyos nga nagabusong nga babayi matapos ginapahayag ginbitay ang kaugalingon sa puno sang kahoy sa Barangay Morobuan, Jordan, Guimaras.
Walo ka bulan na ang ginabusong sang biktima.
Sa interview sang Bombo Radyo kay Police Major Herson Luspo, hepe sang Jordan Municipal Police Station, iya ginpahayag nga ipaidalom pa sa autopsy ang bangkay sang biktima.
Sandig sa panaysayon sang bana, wala man sila sang problema sang iya asawa kag wala ini sang masugid nga rason kun ngaa ginaalegar ginhimo sini ang paghikog.
Suno sa bana, wala siya sa ila nga balay sang natabo ang alleged suicide incident bangud ginapahayag nagpangape siya sa balay sang ila nga iloy.
Suno naman sa mga kasilingan, masami nga naga-away ang mag-asawa.
Magluwas sa ginabusong nga walo na ka bulan, may duha pa ka anak ang biktima.
Padayon ang imbestigasyon sang mga pulis sa amo nga insidente. ##
Kun ikaw (ukon kun may kilala ikaw nga) nagasuprer sang mental health problems kag nagakinahanglan sang bulig, palihog kontak sa sini nga mga numero:
[SUICIDE PREVENTION HOTLINE CENTER FOR HEALTH DEVELOPMENT – WESTERN VISAYAS]
1-800-10-333-8336
09985324047
09255469919
WVSUMC – 3202431 loc. 162 or 209
3292360
WVMC – 3211797 loc. 186
5037708
PMHU – 5298109
