Nag-ginuwa ang mga videos nga nagapakita sang brutal nga pagpatay sang Taliban fighters sa 22 ka indi armado nga mga soldado sa Afghanistan.
Sa videos nakit-an ang mga Afghan Soldiers nga naga-gwa sa isa ka building apang sunod nga ginpangluthang-patay.
Ang summary killings ang ginapahayag natabo sang Hunyo 16 sa Dawlat Abad sa Faryab sa Afghanistan.
Sunod man nga ginkumpirma sang Red Cross nga naretrieve na ang lawas sang 22 ka mga commandos.
Ginpanginwala sang Taliban ang mga video kag ginpahayag nga propaganda lamang ini sang gobyerno agud nga indi magsungka ang tawo.
Suno sa isa ka Taliban spokesman, ginauyatan pa nila subong ang 24 ka commandos apang wala man sang ginpakita nga ebidensya.
Suno naman sa Afghan Ministry of Defense, ginpangpatay sang mga Taliban ang mga commandos kag indi matuod nga ginahold nila ini gihapon.
Ang amo nga summary killings ang baliskad sa mga pahayag sang Taliban nga ginabaton nila ang mga nagasungka nga mga soldado kag ginabayaran ang iban agud nga magpauli agud nga malikawan na ang territorial gains sa amo nga pungsod.
