ILOILO CITY – Dakop ang 22 ka mga lalaki nga nagapa-upas sang damang sa Barangay Guzman-Jesena, Mandurriao, Iloilo City.
Lakip sa mga nagkaladakpan ang duha ka mga menor de edad nga gintugyan na sa Crisis Intevention Unit sang Department of Social Welfare and Development.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga nakabaton sila sang impormasyon nga may paupas damang sa lugar sa diin nadesisyonan sang Mandurriao PNP nga magpatigayon sang operasyon.
Suno kay Valencia, na rekober nila ang P1,740 kag mga karton sang pospro nga ginaserbe bulutangan sang damang.
Pasakaan naman sang kaso ang mga suspek bangud sa paglapas sa Presidential Decree 1602.
