Daw ano kalawig ang imo masikad-sikad antes mangampo ang imo nga mga tiil?
Kilalahon ta ang isa ka cyclist halin sa Kashmir, India nga amo ang nag-guba sang isa ka Guinness World Record paagi sa pagbisekleta sang 2,000 ka milya halin sa pinaka-naaminhan sang India tubtob sa pinakanabagatnan sa sulod lang sang 8 ka adlaw, 1 ka oras, kag 37 minutos.
Ang siklista amo si Adil Teli, 23, tumandok sang Kashmir.
Naghalin siya sa Kashmir sang Marso 22 kag walo ka adlaw ang nakaligad, nag-abot siya sa Kanyakumari, banwa sa southern tip sang India.
Ang 8 ka adlaw, 1 ka oras kag 37 minutos nga rekord ni Teli ang nagpierde sa September 2020 nga rekord ni Om Hitendra Mahajan sang ginkumpleto niya ang amo nga journey sa amo man nga lugar sa sulod sang 8 ka adlaw, 7 ka oras kag 38 minutos.
