Ginkumpirmar sang Armed Forces of the Philippines (AFP) nga 23 ka Chinese vessels ang ila na-monitor sa mga key areas sang West Philippine Sea (WPS) sang nagligad nga semana, kasunod sang malain nga panahon.
Suno kay Roy Vincent Trinidad, spokesperson sang AFP para sa WPS, pito ka Chinese Coast Guard (CCG) kag pito man ka People’s Liberation Army (PLA) Navy ships ang nakita sa Bajo de Masinloc halin Hulyo 21 tubtob 27.
Dugang pa sini, may apat pa ka CCG kag duha ka PLA Navy vessels nga na-monitor sa Ayungin Shoal, isa ka PLA Navy ship sa Sabina Shoal, kag tag-isa ka CCG kag PLA Navy ship malapit sa Pag-asa Island.
Ginpahayag ni Trinidad nga wala sang na-monitor nga agresibo nga lihok halin sa Chinese forces sa sulod sang nasambit nga monitoring period.
Apang ginpabutyag man niya nga padayon nga kabalaka para sa pungsod ang presensya sang mga foreign ships sa sulod sang exclusive economic zone (EEZ) sang Pilipinas.
