Nasamaran ang 23 ka mga tawo matapos magluntad ang 7.5 magnitude nga linog sa Pacific Coast sa Japan.
Nakarecord ang Japan Meteorological Agency sang 70cm nga tsunami sa Kuji port sa Iwate prefecture.
Natabo ang linog kagab-i Disyembre 8 pasado 11:15 sa Pacific Ocean, mga 50 ka milya halin sa baybayon sang Aomori sa bahin sang Honshu island.
Padayon nga ginahimo sang gobyerno sang Japan ang assessment sa halit nga ginbilin sang linog kag tsunami samtang ginpaandaman naman ang publiko angot sa dugang nga mga aftershocks.
