ILOILO CITY – Nagsaka sa 15 ka mga pamalay ang apektado sang sunog sa Barangay Dela Rama, City Proper, Iloilo City.
Suno kay City Fire Marshall Chief Insp. Bartolome Biliran, walo ka mga pamalay ang totally damaged samtang pito naman ang partially burned.
Ang puluy-an nanday Martin kag Tricia Joy Mendoza ang natumod nga ginhalinan sang sunog.
Suno kay Biliran, duha ka mga anggulo ang ila ginasundan nga posible ginhalinan sang sunog.
Mahimo suno kay Biliran nga may ginsindihan nga kandila ukon kingki ang mga pumuluyo bangud nga brownout sa lugar kagab-i.
Apang posible man nga electrical ang gintunaan sang sunog.
Suno kay Chief Insp. Biliran, may poste sa tupad sang puluy-an nanday Mendoza nga may live wire.
Ginabanta P200,000 ang balor sang halit sa amu nga sunog.