23,000 gid ka mga Pinoy ang madulaan sang trabaho kun dumilian na sa pungsod ang Philippine Offshore Gaming Operators.
Suno ini sa Association of Service Providers and POGOs.
Suno sa spokesperson sang grupo nga si Atty. Mike Danganan, mas madamo ang Pinoy nga empleyado sang Philippine Offshore Gaming Operators ipaanggid sa foreigners.
Indi lamang palangabuhian ang madula suno kay Danganan kundi ang suporta sa ila tagsa ka mga pamilya.
Suno pa sa grupo, handa sila nga magkooperar sa otoridad agud nga mauntat ang iligal nga kag criminal activities nga nakapalibot sa amo nga mga operasyon.
Sa bahin naman sang Department of Justice, nagpasalig man ini nga maga-coordinate sila sa Association of Service Providers and POGOs.
