Ginpatigayon ang ceremonial groundbreaking sang 24.475-kilometer Farm-to-Market Road sa Negros Occidental.
Ini nga proyekto ang ginalakipan man sang 30-linear meter bridge.
Ginpangunahan ini sang Department of Agriculture-Philippine Rural Development Project (DA-PRDP) kaupod ang Provincial Local Government sang Negros Occidental kag Municipal Local Government sang Hinoba-an.
Ang PRDP Scale-Up Subproject ang magasuporta sa coconut, palay/rice, corn, banana, kag coffee commodities sa barangays sang Talacagay, Bacuyangan, kag Damutan sa Hinoba-an.
Ginpasalamatan naman ni Department of Agriculture Regional Executive Director Dennis Arpia nga amo man ang nagaserbe bilang DA-PRDP Scale-Up Project Director ang mga local government units sa suporta sa Subproject.
Samtang suno naman kay Agriculture Assistant Secretary for Operations kag DA-PRDP National Project Director U-Nichols Manalo, pinaagi sa sini nga proyekto, mabuligan ang mga mangunguma nga makaangkon sang kita nga mas mataas sa 5%.
