Arestado ang isa ka 24-anyos nga lalaki matapos nga ginhimuslan sini ang 52-anyos niya nga tupadbalay nga isa ka bedridden nga PWD sa Valenzuela City.
Base sa imbestigasyon, may yara sang mental kag intellectual disability ang biktima kag indi man ini makahambal.
Ginpahayag nga nakit-an ang suspek nga nagalabay-labay sa nakakandado nga pwerta sang balay sang biktima sang Septyembre 6.
Sang amo nga tion, nagaisahanon ang biktima sa ila nga balay kag gin-gamit ini sang suspek nga kahigayunan agud sudlon kag himuslan ang biktima.
Nagpangayo sang bulig sa mga barangay tanod ang isa nila nga tupadbalay nga nakakita sang pagsulod sang suspek sa balay.
Sang nagsulod ang mga tanod, naaktuhan gid nga nagatungtong ang suspek sa biktima kag lunsay nagahublas ang mga ini.
Sa subong, preso na ang suspek samtang ginpaidalom naman sa medico legal examination ang biktima.
